जळगाव-छत्रपती संभाजीनगर राष्ट्रीय महामार्गावर सायंकाळी मिळालेल्या गुप्त माहितीच्या आधारे संशयित वाहनावर छापा टाकण्यात आला. स्थानिक गुन्हे शाखा आणि पहूर पोलीस ठाण्याने संयुक्त कारवाई करत लाखो रुपयांचा गांजा जप्त केला तसेच दोन वाहने ताब्यात घेतली. या प्रकरणी तिघांविरुद्ध गुन्हा दाखल करण्याची प्रक्रिया उशिरापर्यंत सुरू होती. जप्त केलेल्या मालाचे नमुने तपासणीसाठी फॉरेन्सिक लॅबकडे पाठवण्यात आले असून, पुढील तपास पोलीस करत आहेत.
