47573

‘ज्ञानी मी होणार’
परीक्षेमध्ये
कर्तव्यला यश
सावंतवाडी ः डॉट कॉम्स असोसिएशन संस्थेमार्फत शिवजयंतीनिमित्त आयोजित सामान्य ज्ञान व बुद्धिमत्तेवर आधारित ‘ज्ञानी मी होणार २०२५’ परीक्षेत सातवी ते आठवीच्या गटात येथील आरपीडी प्रशालेचा सातवीतील विद्यार्थी कर्तव्य बांदिवडेकर याने विजेतेपद पटकावले. त्याला रोख रकमेचे पारितोषिक तसेच आकर्षक ट्रॉफी व प्रमाणपत्र देऊन गौरविण्यात येणार आहे. या यशस्वीतेसाठी व प्रशालेला नावलौकिक मिळवून दिल्याबद्दल कर्तव्यचे तसेच मार्गदर्शक शिक्षक, पालकांचे शिक्षण प्रसारक मंडळ सावंतवाडी अध्यक्ष विकास सावंत, उपाध्यक्ष डॉ. दिनेश नागवेकर, सचिव व्ही. बी. नाईक, खजिनदार सी. एल. नाईक, शाळा समिती अध्यक्ष अमोल सावंत, मुख्याध्यापक जे. व्ही. धोंड, उपमुख्याध्यापक संप्रवी कशाळीकर, पर्यवेक्षक एस. एन. पाटील, उपप्राचार्य डॉ. सुमेधा नाईक आदींनी अभिनंदन केले.
-------
47572

राज्य कबड्डी
स्पर्धेसाठी
समीक्षाची निवड
सावंतवाडी ः मळगाव इंग्लिश स्कूल मळगाव प्रशालेची नववीतील विद्यार्थिनी समीक्षा वरक हिची नाशिक येथे होणाऱ्या राज्यस्तरीय कबड्डी स्पर्धेसाठी निवड झाली आहे. याबाबत मळगाव ऐक्यवर्धक संघ मुंबई संस्थेचे अध्यक्ष शिवराम मळगावकर, सचिव आर. आर. राऊळ, कार्याध्यक्ष नंदकिशोर राऊळ, शाळा व्यवस्थापन समिती अध्यक्ष मनोहर राऊळ, प्रशालेचे मुख्याध्यापक मारुती फाले, पर्यवेक्षक सुनील कदम, क्रीडा सल्लागार डॉ. शरद शिरोडकर तसेच शिक्षक, शिक्षकेतर कर्मचारी, पालक, ग्रामस्थ यांनी तिचे अभिनंदन करून पुढील स्पर्धेसाठी शुभेच्छा दिल्या.