-rat२५p३१.jpg ः
२५N४७६८२
राजापूर ः माजी आमदार राजन साळवी यांचे पुष्पगुच्छ देऊन स्वागत करताना आमदार किरण सामंत.
---
स्थानिक निवडणुकीत भगवा फडकणार
किरण सामंत ः राजापुरात राजन साळवींचे जोरदार स्वागत
सकाळ वृत्तसेवा
राजापूर, ता. २६ ः शिवसेनेमध्ये प्रवेश केल्यानंतर राजापूरमध्ये पहिल्यांदा आलेले माजी आमदार राजन साळवी यांचे शिवसेना आणि शिवसैनिकांतर्फे जोरदार स्वागत करण्यात आले. याप्रसंगी राजापूर मतदारसंघाचा सर्वांगीण विकास साधताना आगामी जिल्हा परिषद, पंचायत समिती, ग्रामपंचायती, नगरपालिका निवडणुकांमध्ये लक्षवेधी विजय मिळवत शिवसेनेचा भगवा फडकवण्याचा निर्धार आमदार किरण सामंत यांनी व्यक्त केला.
मातोश्री सभागृहामध्ये झालेल्या शिवसेना कायकर्ता मेळाव्याला शिवसेनेचे उपजिल्हाप्रमुख अशपाक हाजू, राजू कुरूप, प्रकाश कुवळेकर, विलास चाळके, शहरप्रमुख सौरभ खडपे आदी उपस्थित होते. आगामी सर्व निवडणुकांमध्ये शिवसेना जिंकणार असल्याचा विश्वासही सामंत यांनी व्यक्त केला. माजी आमदार साळवी यांनी विधानसभा निवडणुकीनंतर शिवसेनाप्रमुख बाळासाहेब ठाकरे यांचे विचार आणि धनुष्यबाण निशाणी असलेल्या शिवसेनेमध्ये प्रवेश करण्याचा निर्णय आपण घेतला. त्याप्रमाणे शिवसेना नेते एकनाथ शिदे यांच्या नेतृत्वाखाली आणि पालकमंत्री सामंत, आमदार सामंत यांच्या उपस्थितीमध्ये कार्यकर्त्यांसमवेत पक्षप्रवेश केल्याचे त्यांनी स्पष्ट केले. यावेळी राजापूरसह परिसरातील पदाधिकारी, शिवसैनिक मोठ्या संख्येने उपस्थित होते.
----
कार्यकर्त्यांची मोठी गर्दी
शिवसेनेमध्ये प्रवेश केल्यानंतर राजापूरमध्ये पहिल्यांदा माजी आमदार राजन साळवी आले होते. येथील मातोश्री सभागृहात सभागृहात शिवसेना कार्यकर्ता मेळावा घेण्यात आला. या मेळाव्यास शिवसैनिकांनी मोठी गर्दी केली होती. त्यांनी साळवी यांचे उत्स्‍फूर्त स्वागत केले.