50291

महिला सशक्‍तीकरणासाठी
पाठबळ हवे ः डॉ. करांदे

जानवली रिगल महाविद्यालयात मार्गदर्शन

कणकवली, ता. १२ : ‘‘आर्थिक, सामाजिक, शैक्षणिक आणि राजकीय क्षेत्रांमध्ये पुरुषांच्या बरोबरीने महिलांना हक्क आणि दर्जा मिळेल, तेव्हाच खऱ्या अर्थाने महिलांचे सशक्‍तीकरण होईल. त्‍यासाठी सर्वांनी महिलांना पाठबळ देणे आवश्‍यक आहे,’’ असे प्रतिपादन डॉ. नीता करांदे यांनी केले.
जानवली येथील रिगल कॉलेजमध्ये आयोजित महिला दिन कार्यक्रमात डॉ. करांदे बोलत होत्या. त्‍यांनी महिलांपुढे असलेली सामाजिक, आर्थिक आणि शैक्षणिक क्षेत्रातील आव्हाने आणि त्‍यावरील उपाय याबाबत मार्गदर्शन केले. प्राचार्या तृप्ती मोंडकर यांनी विविध व्यवसाय आणि नोकरीच्या संधींबाबत मार्गदर्शन केले. यावेळी ‘एसएनडीटी’ महिला विद्यापीठाच्या परीक्षेत प्रथम क्रमांक मिळवणाऱ्या साक्षी चौबे यांचा विशेष सत्कार करण्यात आला. तसेच साक्षीला शिक्षणासाठी पाठिंबा देणाऱ्या तिच्या आजी-आजोबांचाही महाविद्यालयातर्फे सत्कार झाला. मुबा शिरा मेमन यांनी सूत्रसंचालन केले. संस्थाध्यक्ष संजयराव शिर्के, डॉ. सुमिता शिर्के यांनी मनोगत व्यक्त केले.