52837
बेशिस्त वाहन पार्किंग धोकादायक
ओसरगाववासीय ः टोलनाकाप्रश्‍नी आंदोलनाचा इशारा
सकाळ वृत्तसेवा
कणकवली, ता.२२ : मुंबई-गोवा महामार्गावरील ओसरगाव टोल नाका येथे रात्रभर अवजड वाहने उभी केली जातात. या वाहनांना धडकून दुचाकीस्वारांचे अपघात होत आहेत. त्‍यामुळे येथील बेशिस्त पार्किंगला शिस्त लावा, अन्यथा टोल नाक्‍यावर एकही वाहन उभे करू देणार नाही, असा इशारा ओसरगावचे माजी सरपंच चंद्रहास राणे यांच्यासह ग्रामस्थांनी दिला आहे.
श्री.राणे यांनी याबाबत प्रसिद्धी पत्रकात म्हटले आहे की, ओसरगाव येथील टोल नाका सध्या कार्यरत नाही. त्‍यामुळे या टोल नाक्‍यावरील मोकळ्या लेनवर मुंबई ते गोवा जाणारी अवजड वाहने रात्रीच्या वेळेस उभी केली जातात. गोवा तसेच मुंबईला जाणारे ट्रक, कंटेनर चालक रात्रीच्या वेळेस या टोल नाक्‍यावर मुक्‍काम करतात. मात्र आपली वाहने कुठेही उभी करतात. वाहनांचे इंडिकेटर सुरू नसल्‍याने अनेकदा दुचाकीस्वार या वाहनांना धडकून अपघातग्रस्त होतात. गेल्‍या तीन महिन्यांत असे नऊ अपघात या टोल नाक्‍यावर झाले आहेत. टोल नाक्‍यावर दिवसभर पोलिस असल्‍याने वाहने नसतात. मात्र रात्रीच्या वेळेस कुणीही कर्मचारी नसल्‍याने येथेच वाहनांचा मुक्‍काम असतो. पुढील काळात टोल नाक्‍यावरील वाहने एकाच बाजूने उभी केली जावीत. मधल्‍या लेनवर वाहने उभी करू नयेत, अशा सूचना वाहतूक पोलिसांनी संबधित वाहन चालकांना द्याव्यात. पुढील काळात टोल नाक्‍यावर कुठेही वाहन पार्किंग आढळले तर ओसरगाववासीय आंदोलन छेडतील, असा इशाराही दिला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.