55462

महेंद्र अकॅडमीस आर्थिक मदत
कुडाळ, ता. ४ ः सावंतवाडी येथील महेंद्र पेडणेकर यांच्या महेंद्र अकॅडमी संस्थेस प्रोत्साहित करण्यासाठी वालावल येथील सेवाभावी संस्था श्रीमती मनोरमा महादेव चौधरी चॅरिटेबल ट्रस्ट व प्रगत सिंधुदुर्ग मुंबई या संस्थानच्यावतीने श्री. पेडणेकर यांना आर्थिक मदतीचा धनादेश देण्यात आला. यावेळी संस्था अध्यक्ष दयानंद चौधरी व सचिव संदीप साळसकर उपस्थित होते. ही संस्था गेली अनेक वर्षे जिल्ह्यामध्ये सावंतवाडी व कुडाळ येथे संस्था चालवीत आहेत. ही संस्था युपीएससी, एमपीएससी, आयएस, आयपीएसच्या विद्यार्थ्यांना घडविण्याचे काम करीत आहे. या संस्थेने घडविलेले अनेक विद्यार्थी केंद्र आणि महाराष्ट्र शासनामध्ये उच्चपदावर कार्यरत आहेत.