पतितपावन मंदिरात
हरीनामाचा गजर

रत्नागिरी, ता. २६ : रत्नागिरीतील दानशूर भक्तीभूषण श्रीमान भागोजीशेठ कीर यांनी बांधलेल्या ऐतिहासिक पतितपावन मंदिरात दर महिन्याच्या शिवरात्रीला वेगवेगळ्या भजनीबुवांच्या माध्यमातून संध्याकाळी भजनाचा गजर होत आहे. आज रत्नागिरीतील सुप्रसिद्ध भजनी संजयबुवा (बाबू) मेस्त्री व रत्नागिरीमधील इतर भजनमंडळांचे बुवा हे संध्याकाळी ७ वाजता पतितपावन मंदिरात भजन झाले. भजनासाठी विशेष सहकार्य एकमुखी दत्तमंदिर घुडेवठार मठ भजन मंडळाचे साईनाथशेठ नागवेकर व सुप्रसिद्ध भजनी भरतसूत सुदेशबुवा नागवेकर यांच्या माध्यमातून लाभले. या भजन कार्यक्रमासाठी नागरिकांनी उपस्थित राहून सुश्राव्य भजनाचा लाभ घ्यावा. ‎