61870
61871

कनेडी कनिष्‍ठ महाविद्यालयाच्या
शाखांचा शंभर टक्के निकाल

कनेडी, ता. ५ : येथील कनेडी गटशिक्षण प्रसारक मंडळ, मुंबई संचलित मोहनराव मुरारीराव सावंत ज्युनिअर कॉलेज ऑफ आर्टस् अॅन्‍ड कॉमर्स, तुकाराम शिवराम सावंत ज्युनियर कॉलेज ऑफ सायन्स, कनेडी कनिष्ठ महाविद्यालयाच्या तिन्ही शांखाचा निकाल शंभर टक्के लागला.
विज्ञान शाखेत विशेष श्रेणीत एक, प्रथम श्रेणीत ३०, द्वितीय श्रेणीत ४१, तर तृतीय श्रेणीत एक विद्यार्थी उत्तीर्ण झाला. अनुक्रमे अथर्व गावकर ८२.८३ टक्के, दीप डोर्लेकर ७० टक्के, तर आर्या परब आणि निशांत नाईक यांनी ६७.८३ टक्के गुण पटकावले. वाणिज्य शाखेतून विशेष श्रेणीत ३, प्रथम श्रेणीत ३०, द्वितीय श्रेणीत १४, तृतीय श्रेणीत एक असे ४८ विद्यार्थी उत्तीर्ण झाले. यात साक्षी श्यामसुंदर सावंत ८६ टक्के, रक्षंदा कांबळे, ७८.८३ टक्के आणि केतन गावडे याने ७८ टक्के गुण मिळविले. कला शाखेतून विशेष श्रेणीत ३, प्रथम श्रेणीत १४, द्वितीय श्रेणीत १६ असे एकूण ३३ विद्यार्थी उत्तीर्ण झाले. या शाखेतून प्राची चव्हाण आणि सोनिया कांबळे हिने ७९.७६ टक्के, यश चव्हाण ७८.६७ टक्के, जितेंद्र हरकुळकर याने ७१.६७ टक्के गुण पटकावले.