62312

सावित्री सावंत प्रतिष्ठानतर्फे
दिविजा वृद्धाश्रमास धान्य

सकाळ वृत्तसेवा
नांदगाव, ता. ७ ः आजी-आजोबांचे घर अशी ओळख असलेल्या दिविजा वृद्धाश्रम, असलदे येथे सावित्री सावंत प्रतिष्ठानतर्फे नुकतेच धान्य व खाऊ वाटप केले. वृद्धाश्रमातर्फे प्रमुख संदेश शेटये यांनी समाधान व्यक्त केले.
मुख्य संस्थापक-विश्वस्त सुधाकर सावंत यांनी सावित्री सावंत प्रतिष्ठानची स्थापना केल्यानंतर मुंबई व ग्रामीण भागात विविध सामाजिक, शैक्षणिक, क्रीडा, आरोग्य क्षेत्रात विविध उपक्रम राबवून ते सामाजिक बांधिलकी जोपासत आहेत. असलदे येथील दिविजा वृद्धाश्रमाला मंगळवारी (ता. ६) भेट देऊन धान्य व खाऊ वाटप केले. यावेळी संस्थापक-विश्वस्त सुधाकर सावंत, विश्वस्त उत्तम सावंत, असलदे वृद्धाश्रम संस्थापक-संचालक संदेश शेटये, पल्लवी सावंत, अनिल इंदप, संजय इंदप, समीर मिठबावकर, वृद्धाश्रमाचे सदस्य व कर्मचारी उपस्थित होते. या उपक्रमात कमलाकर बिडवाडकर यांनी योगदान दिले. आपण समाजाचे देणे लागतो, या भावनेतून हा उपक्रम घेतल्याचे सुधाकर सावंत यांनी सांगितले. दिविजा वृद्धाश्रमातर्फे सुधाकर सावंत, उत्तम सावंत यांना सन्मानचिन्ह देऊन प्रतिष्ठानला शुभेच्छा दिल्या.