-rat९p८.jpg-
२५N६२७००
राजापूर ः सायबाच्या धरणातील खालावलेला पाणीसाठा.
-rat९p९.jpg -
२५N६२७०१
राजापूर ः पाण्याअभावी धरणातील मोकळी दिसत असलेली पाईपलाईन.
---
कोदवली येथील सायबाच्या धरणात खडखडाट
राजापूर शहरात टंचाई : शीळ जॅकवेलवर भार, आजपासून दोन दिवसांनी पाणी
सकाळ वृत्तसेवा
राजापूर, ता. ९ ः राजापूर शहराचा मुख्य जलस्रोत असलेल्या कोदवली येथील सायबाच्या धरणामध्ये पाण्याअभावी खडखडाट झाला आहे. त्यामुळे धरणातून होणारा पाणीपुरवठा बंद झाला असून, शहराला पाणीटंचाईच्या झळा जाणवू लागल्या आहेत. सायबाच्या धरणातील पाणीपुरवठा बंद झाल्याने शहराच्या पाणीपुरवठ्याचा भार शीळ जॅकवेलवर आला आहे. दरम्यान, शहरातील भविष्यातील पाणी नियोजनासाठी पालिकेने आजपासून दोन दिवसाआड पाणीपुरवठा सुरू केला आहे.
कोदवली येथील सायबाचे धरण आणि शीळ जॅकवेल असे दोन मुख्य जलस्रोत असून, सायबाच्या धरणाच्या येथून शीळ जॅकवेलच्या येथील पाणीपुरवठ्याच्या तुलनेमध्ये कमी खर्चात पाणीपुरवठा होतो. गेल्या दोन वर्षामध्ये सायबाच्या धरणातील लोकसहभागातून मोठ्या प्रमाणात गाळ उपसा झाला. त्यामुळे धरणाची खोली आणि रूंदी वाढली; मात्र पाणीटंचाई लक्षात घेऊन पालिकेने गतमहिन्यात एक दिवसाआड पाणीपुरवठा सुरू केला होता; मात्र गेले काही दिवस तापमान वाढल्याने सायबाच्या धरणातील पाणीसाठा खालावला आणि शहराला होणारा पाणीपुरवठा बंद झाला. त्यामुळे शहराच्या पाणीपुरवठ्याचा भार शीळ जॅकवेलवर पडला आहे. शीळ जॅकवेलच्या येथे अर्जुना नदीपात्रामध्ये मुबलक पाणीसाठा असून, पंपाच्या सहाय्याने नदीपात्रातून पाणी खेचून पाईपलाईनद्वारे शहरात सध्या पाणीपुरवठा केला जात आहे. भविष्यातील पाणीसाठा आणि पाणीटंचाई लक्षात घेऊन पालिकेने दोन दिवसाआड पाणीपुरवठा करण्याचे नियोजन केले आहे.