62763

बसणी सरपंचपदी समृद्धी मयेकर
रत्नागिरी, ता. १० : तालुक्यातील बसणी ग्रामपंचायत सरपंचपदाची पोटनिवडणूक बिनविरोध झाली. ठाकरे शिवसेनेच्या समृद्धी मयेकर यांची सरपंचपदी बिनविरोध निवड झाली.
साक्षी झगडे यांनी वैयक्तीक कारणास्तव सरपंचपदाचा राजीनामा दिला होता. त्यामुळे ही पोटनिवडणूक लागली. बसणी ग्रामपंचायतीमध्ये सात सदस्य असून पाच उबाठाचे तर उर्वरित शिवसेना आणि भाजपचे सदस्य आहेत. सर्वांनी एकमत करून उबाठाच्या मयेकर यांची सरपंचपदी बिनविरोध निवड केली. या ग्रामपंचायतीचा कालावधी आता दहा महिने राहिला आहे. मयेकर यांची निवड झाल्यानंतर उद्धव बाळासाहेब ठाकरे पक्षाचे तालुकाप्रमुख शेखर घोसाळे, माजी सभापती विभांजली पाटील, उपतालुकाप्रमुख विजय देसाई, उपतालुकाप्रमुख महेंद्र चव्हाण, विभागप्रमुख मयुरेश्वर पाटील, विभागप्रमुख वैभव पाटील, उपविभागप्रमुख अमित धांगडे, उपविभागप्रमुख नंदकुमार कदम, शाखाप्रमुख समीर हेदवकर, माजी सरपंच साक्षी झगडे, माजी सरपंच आस्था धांगडे, उपसरपंच किशोर नेवरेकर, सदस्या मानसी पाष्टे, लुंबिनी कदम आदी उपस्थित होते.