‘शिववैभव’ पतसंस्थेच्या शाखेचे उद्‍घाटन
संगमेश्वर, ता. १० ः सहकार क्षेत्रामध्ये उत्तम कार्य करत शिववैभव ग्रामीण बिगरशेती सहकारी पतसंस्था मर्यादित कुचांबेने नावलौकिक कमावलेला आहे. सहकार क्षेत्रातील यश स्वतःच्या विश्वासावर उभे केले असून, असाच विश्वास संपादन करत भविष्यामध्ये आणखीन उज्ज्वल यश संपादन करा, असे प्रतिपादन माजी खासदार विनायक राऊत यांनी केले.
शिववैभव ग्रामीण बिगरशेती सहकारी पतसंस्था मर्यादित कुचांबे यांच्या कसबा शास्त्रीपूल येथील १६व्या शाखेचे उद्‍घाटन विनायक राऊत यांच्या हस्ते झाले. या वेळी महाराष्ट्र राज्य फेडरेशन अध्यक्ष दीपक पटवर्धन, पतसंस्थेचे संतोष थेराडे, राजेंद्र सुर्वे, सहदेव बेटकर, संस्थेचे अध्यक्ष प्रकाश थेराडे, डॉ. सोपान शिंदे, प्रभाकर घाणेकर, अमित ताठरे, सरपंच चंद्रकांत फणसे आदी उपस्थित होते. पतसंस्थेचे सचिव संतोष थेराडे यांनी प्रास्ताविक केले.