rat12p33.jpg-
63340
रत्नागिरी- जैन संघटनेतर्फे नवीन बसस्थानकात लोकार्पण करण्यात आलेली पाणपोई.

रत्नागिरी बसस्थानकावर प्रवाशांसासाठी पाणपोई
जैन संघटनेचा पुढाकार ; पालकमंत्र्यांच्या हस्ते लोकार्पण
सकाळ वृत्तसेवा
रत्नागिरी, ता. १३ : रत्नागिरीच्या हायटेक बसस्थानकात पूर्वीपासून असलेल्या पाणपोईचे नुतनीकरण केले असून तिचे लोकार्पण पालकमंत्री उदय सामंत आणि राज्यमंत्र योगेश कदम यांच्या हस्ते करण्यात आले. भारतीय जैन समाजाचे अध्यक्ष दिलीप भंडारी यांच्या संकल्पनेतून ही पाणपोई उभारलेली आहे.
रत्नागिरी बसस्थानकावर पूर्वीपासून उभारलेल्या पाणपोईचे नुतनीकरण केले आहे. जैन समाजाच्यावतीने नागरिकांसाठी सुरू केलेल्या पाणपोईबद्धल बोलताना उद्योजक सुरेश जैन म्हणाले, बसस्थानकातील ही पाणपोई २००६ पासून होती. परंतु मध्यंतरी एसटी बसस्थानकाचे बांधकाम चालू असल्यामुळे पाणपोई बंद केली होती. कालपासून ही पाणपोई नागरिकांसाठी सुरू केली आहे. त्यामधून स्वच्छ आणि चांगलं पाणी नागरिकांना देण्यात येणार आहे. त्याची देखभाल करण्यासाठी एका व्यक्तीची नेमणूक केली आहे.
जैन समाजाच्या माध्यमातून ही पाणपोई २००६ साली बांधली होती. जैन संघटनेचे प्रणेते किंवा संस्थापक दिलीप भंडारी यांची ही संकल्पना होती. त्यावेळी त्यांना तीन देणगीदार मिळालेले होते. त्यांच्या सहकार्यातून ही पाणपोई उभी राहिली. एसटी बसस्थानकाचे नुतनीकरण सुरू असल्यामुळे ती पाणपोई वापरण्यास बंद ठेवली होती. ती जीर्ण झाल्यामुळे नुतनीकरण करण्यात आले. नवीन बसस्थानकाच्या वास्तूला साजेशी अशी नवीन पाणपोई तयार केली आहे.
---
प्रवाशांना दिलासा
दररोज हजारो प्रवाशी स्थानकावरून ये-जा करत असतात. येथील नुतणीकरण केलेली पाणपोईचे लोकार्पण झाल्याने प्रवाशांना पिण्याचे पाणी उपलब्ध होणार आहे.