‘मानेज् स्कूल’चा
निकाल १०० टक्के
रत्नागिरी ः येथील मानेज् इंटरनॅशनल स्कूलमधील सीबीएसई बोर्डाचा दहावी आणि बारावीचा निकाल १०० टक्के लागला आहे. दहावीमध्ये सर्वांभ बोरकर याने ९८ टक्के मिळवत प्रथम तर भक्ती सालपेकर हिने ९६.६० टक्के मिळवत द्वितीय व अतितोष धनगर याने ९५.६० टक्के गुण मिळवून तृतीय क्रमांक पटकावला. दहावीतील १० विद्यार्थ्यांनी ९० टक्केपेक्षा अधिक गुण मिळवले. स्कूलमधील बारावी विज्ञान शाखेतील जागृती मसुरकर हिने ९३ गुण मिळवून प्रथम क्रमांक मिळवला. अनन्या गुरव ८१.६० टक्के व जुई देसाई ८०.४० टक्के मिळवले. विद्यार्थ्यांच्या या यशाबद्दल शाळा व्यवस्थापन व प्रशालेच्या प्राचार्या यांनी सर्व यशस्वी विद्यार्थ्यांचे व त्यांच्या पालकांचे अभिनंदन केले आहे.
--
हर्चे प्रशालेचा
निकाल १०० टक्के
लांजा ः येथील बॅ. नाथ पै विद्यालय आणि ज्यु. कॉलेज, हर्चे प्रशालेचा दहावी व बारावीचा निकाल १०० टक्के लागला आहे. दहावीमध्ये आयुष वेद्रुक याने ९२.८० टक्के मिळवत प्रथम क्रमांक पटकावला आहे तसेच अथर्व गवळी ८८ टक्के, तन्वी कांबळे ८५.८० टक्के मिळवताना अनुक्रमे द्वितीय, तृतीय क्रमांक पटकावला. तसेच बारावीमध्ये विज्ञान शाखेत पार्थ सकपाळ ७४ टक्के, वेदांत पंडित ६८ टक्के, जुईली तेंडुलकरने ६७ टक्के गुण मिळवले आहेत. या यशाबद्दल संस्थेचे चेअरमन भाई मयेकर, मुख्याध्यापक बाळासाहेब सरक, आनंदकुमार जाधव, विलास पाटील, जयसिंग पाटील, विष्णू पाटील तसेच पालक, ग्रामस्थांनी विद्यार्थ्यांचे व शिक्षकांचे अभिनंदन केले आहे.