64074
कासार्डेत अवैध उत्खनन सुसाट
‘महसूल’ सुस्त ः ठाकरे गटाचा आंदोलनाचा इशारा
कणकवली, ता. १५ : ‘कासार्डे परिसरातील अवैध सिलिका उत्खननाबाबत सातत्‍याने तक्रारी केल्या, महसूल प्रशासनाला निवेदने दिली, तरीही अवैध उत्खननावर कोणतीही कारवाई झाली नाही. महसूल यंत्रणा कुणाच्या तरी दबावाखाली आहे. याविरोधात लढा तीव्र करण्यासाठी २० मे रोजी प्रांताधिकारी कार्यालयावर मोर्चा काढून आंदोलन करू,’ असा इशारा शिवसेना ठाकरे पक्षाच्या पदाधिकाऱ्यांनी आज दिला.
कासार्डेतील अवैध सिलिका उत्खनन होत असल्‍याचा आरोप करत आज शिवसेना ठाकरे गटाचे माजी आमदार वैभव नाईक, माजी आमदार परशुराम उपरकर, माजी आमदार राजन तेली, कणकवली विधानसभाप्रमुख सतीश सावंत, रुपेश आमडोस्कर, संतोष परब आदींनी प्रांताधिकारी जगदीश कातकर यांची भेट घेतली.
श्री.नाईक म्‍हणाले, ‘‘कासार्डेतील अवैध सिलिका वाळू उत्खननातून शासनाचा कोट्यवधी रुपयांचा महसूल बुडविला जात आहे. पर्यावरणाचाही ऱ्हास केला जात आहे. त्याबाबत वारंवार तक्रार करून आणि निवेदने देऊनही प्रांताधिकारी जगदीश कातकर व तहसीलदार दीक्षांत देशपांडे यांनी कोणतीही कारवाई केली नाही. आर्थिक देवाणघेवाणीसाठी अथवा कोणाच्यातरी दबावाखाली महसूल प्रशासन वाळूमाफियांना शासनाचा महसूल बुडविण्याची मुभा देत आहे.’’
------------
...तर मंगळवारी आंदोलन ः उपरकर
श्री.उपरकर म्‍हणाले, ‘‘कासार्डेतील अवैध सिलिका उत्खनन आणि वाहतुकीबाबत मुख्यमंत्र्यांनाही कळविले आहे. मात्र, हे उत्खनन रोखण्याबाबत महसूल प्रशासनाने कोणतीही कारवाई केली नाही. १९ मेपर्यंत अवैध सिलिका उत्खननावर कारवाई न झाल्‍यास २० मे रोजी कणकवली प्रांताधिकारी कार्यालयासमोर शिवसेना उद्धव बाळासाहेब ठाकरे पक्षातर्फे धरणे आंदोलन छेडू.’’
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.