64417

जनता विद्यालयाची
हर्षदा केरकर प्रथम
सावंतवाडी ः शिक्षण प्रसारक मंडळ, तळवडे संचलित श्री जनता विद्यालय व कनिष्ठ महाविद्यालयाचा दहावी परीक्षेचा निकाल १०० टक्के लागला. या परीक्षेला एकूण ८१ विद्यार्थी प्रविष्ट झाले. सर्व विद्यार्थी उत्तीर्ण झाले. हर्षदा केरकर हिने ९४.४० टक्के गुणांसह प्रथम, क्रमांक रोशनी कुंभार (९२.२०) द्वितीय, सेजल गावडे व वैष्णवी नेमण या दोघींनी (९० टक्के) संयुक्तपणे तृतीय क्रमांक पटकावला. सर्व गुणवंत विद्यार्थ्यांचे मुख्याध्यापक प्रतापराव देसाई, तळवडे शिक्षण प्रसारक मंडळाचे अध्यक्ष व पदाधिकाऱ्यांनी अभिनंदन केले.
................
64461
तळवडे स्कूलमधील
तन्मय, दीपचे यश
सावंतवाडी ः गुरुवर्य बी. एस. नाईक मेमोरियल ट्रस्ट सावंतवाडी संचलित इंग्लिश मीडियम स्कूल तळवडे प्रशालेचा २०२४-२५ या शैक्षणिक वर्षातील पहिल्या बॅचचा दहावीचा निकाल शंभर टक्के लागला. प्रविष्ठ सर्व विद्यार्थी चांगल्या गुणांनी उत्तीर्ण झाले. यात तन्मय दळवी व दीप सावंत या विद्यार्थ्यांनी उल्लेखनीय यश मिळविले. शाळेतील अनुभवी शिक्षक व त्यांनी घेतलेली मेहनतीचे हे यश असल्याचे पदाधिकाऱ्यांनी सांगितले. सर्व उत्तीर्ण विद्यार्थ्यांचे प्रशालेच्या संचालिका मैथिली नाईक, शाळा व्यवस्थापन समिती सदस्य, शिक्षक-पालक संघ सदस्य, मुख्याध्यापक अजय बांदेकर आदींनी कौतुक केले.