बौद्ध धम्म परिषदेत
मद्यविरोधात ठराव
सकाळ वृत्तसेवा
खेड, ता. १७ : कोकण बौद्ध धम्म संघ एज्युकेशन फाउंडेशनच्या वतीने येथील डॉ. बाबासाहेब आंबेडकर भवन येथे पार पडलेल्या कोकण बौद्ध धम्म परिषदेत मद्यविरोधातील ठराव सर्वानुमते मंजूर करण्यात आला.
ज्या संस्था किंवा त्यांचे घटक मद्यपान करणाऱ्यांसह विकणाऱ्यांना सहकार्य करतात. त्या डॉ. बाबासाहेब आंबेडकरांच्या धम्मक्रांतीला बाधा निर्माण करतात. अशा व्यक्ती किंवा संस्था यांना अपात्र ठरवण्याचा ठराव तालुका बौद्ध सेवा समाज संघ मुंबईचे माजी अध्यक्ष डी. ए. जाधव यांनी मांडला असता सर्वानुमते मंजूर करण्यात आला. खेड भारतीय बौद्ध महासंघाचे अध्यक्ष अरुणकुमार मोरे यांच्या हस्ते धम्मध्वजारोहण झाले. खेड त्रिरत्न बौद्ध महासंघाचे धम्मचारी शुभ्रकेतू यांच्या हस्ते दीपप्रज्वलन करण्यात आले. परिषदेला वंचित बहुजन आघाडी उत्तर रत्नागिरी जिल्हाध्यक्ष विकास जाधव, अॅड. गीता जाधव, जिल्हा उपाध्यक्ष सखाराम जाधव, जिल्हा संघटक श्रीकांत सकपाळ, तालुका अध्यक्ष गिरीश गमरे व इतर कार्यकर्त्यांनी सदिच्छा भेट दिली.