64615

गोवेरी सहकारी पतसंस्थेच्या
नूतन कार्यकारिणीचा सत्कार

सकाळ वृत्तसेवा
कुडाळ, ता. १८ ः श्री देव सत्पुरुष देवी भराडी ग्रामीण बिगर शेती सहकारी पतसंस्था मर्यादित गोवेरीच्या अध्यक्षपदी सुदाम गावडे, उपाध्यक्षपदी संजय भगत यांची बिनविरोध निवड करण्यात आली. संस्थेची २०२५-२६ ते २०३०-३१ ची पंचवार्षिक निवडणूक शनिवारी (ता. १७) निवडणूक निर्णय अधिकारी तुषार राणे यांच्या अध्यक्षतेखाली झाली.
अध्यक्षपदासाठी संचालक मंगेश गावडे यांनी सुदाम गावडे यांचे नाव सुचविले, तर संचालक देवू परब यांनी अनुमोदन दिले. उपाध्यक्षपदासाठी संचालक संदीप जाधव यांनी भगत यांचे नाव सुचविले व उमेश घाटकर यांनी अनुमोदन दिले. या दोन्ही पदांसाठी प्रत्येकी एक अर्ज आल्याने अध्यक्षपदी गावडे व उपाध्यक्ष म्हणून भगत यांची निवडणूक निर्णय अधिकारी राणे यांनी बिनविरोध निवड झाल्याचे जाहीर केले. नूतन संचालक देवू परब, मंगेश गावडे, उमेश घाटकर, संदीप जाधव, मनीषा गावडे, पूजा गावडे, वामन गावडे, प्रकाश गावडे, सचिव गावडे व कर्मचारी प्रतीक्षा वाळवे, अनंत गावडे यांनी नूतन अध्यक्ष, उपाध्यक्षांचे अभिनंदन केले.