- ratchl१९२.jpg-
२५N६४८११
अध्याय सकपाळ
----
दाभोळकर विद्यालयात अध्याय प्रथम
सकाळ वृत्तसेवा
चिपळूण, ता. १९ ः सह्याद्री शिक्षणसंस्थेच्या सती चिंचघरी येथील धोंडीरामशेठ दाभोळकर इंग्लिश मीडियम स्कूलचा दहावी परीक्षेचा निकाल शंभर टक्के लागला आहे. या विद्यालयातून अध्याय सकपाळ याने ९६.८० टक्के गुण मिळवून प्रथम तसेच सह्याद्री शिक्षणसंस्थेमध्ये पाचवा येण्याचा मान मिळवला आहे.
अध्यायने ज्युनियर केजी ते १०वीपर्यंत प्रत्येक वर्षी शाळेत पहिला येण्याचा बहुमान मिळवला. त्याने पाचवी शिष्यवृत्ती परीक्षेत तालुक्यात दहावा तर आठवी शिष्यवृत्तीमध्ये तालुक्यात पहिला व जिल्ह्यात पाचवा मिळवला. त्याने चतुरंग प्रतिष्ठानचा सर्वोत्तम विद्यार्थी गोडबोले पुरस्कारही पटकावला आहे. अशा चतुरस्त्र यशाबद्दल परिसरातील सर्व मान्यवर, ग्रामस्थ, पालक, नातेवाईक यांनी त्याचे विशेष अभिनंदन केले आहे. त्याच्या यशामध्ये त्याचे आई-वडील तसेच त्याचा मोठा भाऊ यांचा विशेष वाटा आहे. मुख्याध्यापिका समिक्षा पिटले, सर्व शिक्षक, गोडबोले क्लासेसचे अमेय गोडबोले, बागवे यांनी अध्यायला वेळोवेळी योग्य प्रकारचे मार्गदर्शन केले.