rat20p5.jpg
64988
रत्नागिरीः मुख्याधिकारी यांना निवेदन देताना भाजपचे पदाधिकारी.
------------
रत्नागिरी शहरातील मान्सूनपूर्व कामे अपूर्ण
दादा ढेकणे ; मुख्याधिकाऱ्यांना निवेदन
सकाळ वृत्तसेवा
रत्नागिरी, ता. २०ः शहरातील मान्सूनपूर्व कामे अजूनही पूर्ण झालेली दिसत नाहीत, याच पार्श्वभूमीवर भारतीय जनता पक्षाच्या शहर मंडलातील कार्यकर्ते आणि पदाधिकारी यांनी मुख्याधिकारी यांच्याशी भेट घेऊन चर्चा केली व निवेदन देत मागणी केली.
रत्नागिरी शहरातील नालेसफाई, गटारे, वहाळ व इतर साफसफाई अजूनही झालेली दिसत नाही. पावसाळ्यामध्ये याचा फटका रत्नागिरी शहरवासियांना बसू शकतो, ही शक्यता लक्षात घेता नालेसफाई अधिकचे मनुष्यबळ लावत लवकरात लवकर करावी तसेच ज्या ठिकाणी पाणी साठत आहे, जी गर्दीची ठिकाणे आहेत त्या ठिकाणी पावसाळ्यापूर्वी उपाययोजना कराव्यात. रोगराई पसरू नये यासाठी उपाययोजना म्हणून डासप्रतिबंधक फवारणी करावी तसेच रत्नागिरी शहरातील विविध योजनांसाठी खोदण्यात आलेले रस्ते त्वरित बुजवून त्यावर डांबरीकरण करावे, काँक्रिट करण्यात आलेल्या रस्त्यांच्या साईटपट्ट्या डांबरीकरण कराव्यात अन्यथा त्याचा फटका शहरवासियांना अनेक ठिकाणी बसणार आहे. ही वस्तुस्थिती भाजप शिष्टमंडळाने शहर प्रशासनाच्या लक्षात आणून दिली आहे. शहरातील विविध प्रभागांमध्ये असलेल्या समस्या यावरती देखील चर्चा करण्यात आली. या चर्चेमध्ये शहराध्यक्ष दादा ढेकणे, नीलेश आखाडे, शैलेंद्र बेर्डे यांनी वेगवेगळ्या प्रभागातील समस्या मांडल्या. यापूर्वी भाजपा पदाधिकाऱ्यांनी त्या त्या प्रभागांमध्ये असलेल्या समस्यांबाबत रत्नागिरी पालिकेला माहिती दिली असून, ती देखील कामे त्वरित करावीत अशी मागणी करण्यात आली.