rat२३p१४.jpg
६५७७३
विठ्ठल-रखुमाई, श्री स्वामी समर्थ
----------
स्वामी समर्थ मंदिराचा
आज वर्धापनदिन
रत्नागिरी, ता. २३ : बाजारपेठेतील श्री विठ्ठल मंदिर संस्थेच्या आवारातील श्री स्वामी समर्थ मंदिराचा सहावा वर्धापनदिन शनिवारी (ता. २४) साजरा करण्यात येणार आहे. या निमित्त दिवसभर विविध कार्यक्रम साजरे करण्यात येणार आहेत.
सकाळी ६ वाजता काकडा आरती, ६.३० वाजता अभिषेक व समृद्ध पूजा करण्यात येईल. त्यानंतर सामुदायिक आरती होईल. दुपारी १२.३० ला महाआरती आणि महानैवैद्य, महाप्रसाद होईल. सायंकाळी ४.३० वाजता स्वामिनी भजन मंडळाचे भजन होईल. ६.३० वाजता कायम आरती व त्यानंतर ७.३० वाजता सुश्राव्य भजन होईल. स्वामीभक्तांनी दर्शन आणि महाप्रसादाचा लाभ घ्यावा, असे आवाहन राजन फाळके, प्रमोद रेडीज, विजय पेडणेकर आणि पराग तोडणकर यांनी केले आहे.