rat23p11.jp g
N65770
राजापूरः राज्य अजिंक्यपद कॅरम स्पर्धेतील विजेतेपदाचा चषक स्वीकारताना निधी सप्रे.
-----------
राज्य अजिंक्यपद कॅरम स्पर्धा
ससाळेच्या निधी सप्रेने जिंकली
राजापूर, ता. २४ ः तालुक्यातील ससाळेची सुकन्या आणि शहरातील विश्‍वनाथ विद्यालयाची विद्यार्थिनी निधी सप्रे हिने ५८ व्या सबज्युनिअर महाराष्ट्र राज्य अजिंक्यपद कॅरम स्पर्धेचे विजेतेपद पटकावून राष्ट्रीय स्तरावर धडक दिली आहे. या दरम्यान तिने अनेक नामांकित खेळाडूंनाही पराभूत करण्याची किमया साधली आहे.
स्थानिक पातळीवर फारशा सुविधा नसतानाही केवळ कॅरम खेळाप्रती असलेली आवड आणि सर्वोच्च मिळवण्याचा ध्यास घेत सातत्यपूर्ण सरावाच्या जोरावर वयाच्या दहाव्या वर्षी निधीने राजापूरचा झेंडा राष्ट्रीय स्तरावर फडकवण्याचे स्वप्न बाळगले आहे. निधीची कॅरम खेळण्याची सुरुवात घरातून झाली. वडिलांसमवेत सुरुवातीला ती घरी कॅरम खेळू लागली. कॅरम खेळताना कॅरमबोर्डवर स्ट्रायकरच्या सहाय्याने निधी सहज सोंगट्यांचा निशाणा साधत असे. हेच हेरून तिच्या वडिलांसह कुटुंबीयांनी तिला पुढे कॅरम खेळण्यासाठी प्रोत्साहित केले. स्थानिक पातळीवर विविध स्पर्धा गाजवणाऱ्या निधीने राज्यस्तरीय स्पर्धेमध्ये ठसा उमटवला. नुकत्याच झालेल्या ५८ व्या सबज्युनिअर महाराष्ट्र राज्य अजिंक्यपद कॅरम स्पर्धेमध्ये १२ वर्षांखालील गटामध्ये तिने विजेतेपद पटकावले.