कोदवलीत उद्या
बंधाऱ्याचे उद्घाटन
राजापूरः तालुक्यातील कोदवली येथील ग्रामविकास सेवा संस्था मांडवकरवाडी यांच्या वतीने लोकहसभाग आणि स्वनिधीतून बंधारा बांधत गावच्या पाण्याचा प्रश्‍न मार्गी लावला आहे. या बंधाऱ्याचे रविवारी (ता. २५) आमदार किरण सामंत यांच्या हस्ते उद्घाटन केले जाणार आहे. कोदवली मांडवकरवाडी येथे सकाळी साडे दहा वाजता होणाऱ्या कार्यक्रमाला माजी उपमहापौर अविनाश लाड, तहसीलदार विकास गंबरे, अ‍ॅड. यशवंत कावतकर, सिद्धेश शिंदे, सरपंच प्रणोती भोसले आदी उपस्थित राहणार आहेत.
-------------------
राजापूर बाजारपेठेत
पावसाळी खरेदीसाठी गर्दी
राजापूर ः मान्सूनपूर्व पावसाने धुमाकूळ घातला आहे. त्यामुळे लवकरच मान्सून दाखल होण्याचे स्पष्ट संकेत सार्‍यांना मिळत असून लोकांनी छत्र्या, रेनकोट यांची खरेदी करण्याला सुरवात केली आहे. त्यामुळे दुकानंमध्ये गर्दी वाढू लागली आहे. जाड प्लास्टिकलाही मोठ्या प्रमाणात मागणी वाढू लागली आहे.
-----------

पावसाचा जोर
राजापुरात ओसरला
राजापूर ः दोन दिवसांच्या संततधारेनंतर आज तालुक्यात पावसाचा जोर कमी झाला. सकाळच्या सत्रामध्ये सरींवर पाऊस पडल्यानंतर दिवसभर ढगाळ वातावरण होते. सायंकाळी आकाशामध्ये पुन्हा काळे ढग जमा झाल्याने सायंकाळनंतर पुन्हा रिमझिम पाऊस सुरू झाला होता. दरम्यान, मान्सूनपूर्व पावसामध्ये तालुक्यातील अनेक गावांमधील खंडित झालेला वीजपुरवठा पूर्ववत झाला आहे.
-------------