-rat२५p९.jpg-
२५N६६१३८
रत्नागिरी : कळझोंडी येथील उर्विश अगोंडे याच्या वाढदिवसानिमित्त आई-वडिलांनी माहेर संस्थेला शैक्षणिक साहित्य दिले.
----------
मुलाच्या वाढदिवसानिमित्त
माहेर संस्थेला साहित्याची मदत
सकाळ वृत्तसेवा
रत्नागिरी, ता. २६ : लहान मुलांचे वाढदिवस मोठी पार्टी करून साजरे करण्याची अलिकडे प्रथा वाढली आहे. परंतु तालुक्यातील कळझोंडी गावातील सडेवाडीतील अगोंडे कुटुंबीयांनी मुलाचा वाढदिवस अनाथांसाठी काम करणाऱ्या माहेर संस्थेला मदत देऊन साजरा केला.
उदय अगोंडे व हर्षदा अगोंडे यांनी त्यांचा मुलगा उर्विश याचा वाढदिवस निवळी येथील माहेर संस्थेत साजरा केला. वाढदिवसाचे औचित्य साधून मुलांना खाऊ वाटप व शैक्षणिक साहित्य वाटप केले. तसेच ५० किलो तांदूळ दिले. भाच्याच्या वाढदिवसाचे औचित्य साधून मामा मयुर गोणबरे यांनी सुद्धा ५० किलो तांदूळ दिले. या प्रसंगी संस्थेचे प्रकल्प प्रमुख, अधीक्षक, सुनील कांबळे संस्थेतील बालके, महिला, उदय अगोंडे, हर्षदा अगोंडे, आजी- आजोबा मुरलीधर गोणबरे, मयुरा गोणबरे, मामा मयुर गोणबरे, सचिन गोणबरे, दिनेश गोणबरे, सुभाष कुर्टे, प्रणित गोणबरे आदी उपस्थित होते. त्यांनी माहेर संस्थेत वाढदिवस साजरा करुन कळझोंडी गावातील व सडेवाडीतील तरुण पिढीसमोर वेगळा आदर्श निर्माण केला आहे.