-rat२७p२०.jpg -
२५N६६६२०
खेड ः सरपंच श्री लोटे २०२५ चा मानकरी ठरलेला गणेश गोसावी. शेजारी उपविजेते.
------
गणेश गोसावीला ‘सरपंच श्री लोटे’
लोटेत स्पर्धा ; केतन चाळके तालुका सरपंच श्री
सकाळ वृत्तसेवा
खेड, ता. २८ : तालुक्यातील लोटे येथे महेश गोवळकर संकुलामधील संतकृपा सभागृहामध्ये जिल्हास्तरीय सरपंच श्री लोटे २०२५ किताबाची शरीरसौष्ठव स्पर्धा भरवण्यात आली होती. स्पर्धेमध्ये जिल्ह्यातील नऊ तालुक्यांमधून सुमारे ६०हून अधिक स्पर्धकांनी आपला सहभाग नोंदवला होता. यामध्ये पवार फिटनेस सावर्डेचा गणेश गोसावी हा जिल्हा अजिंक्यपद मिळवून सरपंच श्री लोटे २०२५ ठरला तर ‘खेड तालुका सरपंच श्री’ वेलनेस जिम चिपळूणचा मानकरी केतन चाळके हा ठरला.
खेड तालुक्यात प्रथमच रत्नागिरी जिल्हास्तरावर शरीरसौष्ठव जिल्हास्तरीय स्पर्धा भरवण्यात आली. ‘सरपंच श्री लोटे २०२५’ किताबाची जिल्हास्तरीय शरीरसौष्ठव स्पर्धा रत्नागिरी जिल्हा हौशी शरीरसौष्ठव असोसिएशनच्या मान्यतेने आणि सरपंच चंद्रकांत उर्फ भाई चाळके यांच्या सौजन्याने ही स्पर्धा भरवण्यात आली होती. जिल्ह्यातील नऊ तालुक्यांमधून सुमारे साठहून अधिक स्पर्धकांनी या स्पर्धेत सहभाग नोंदवला होता. या स्पर्धेमध्ये ''सरपंच श्री लोटे २०२५''चा जिल्हा अजिंक्यपद विजेता पवार्स फिटनेस सावर्डेचा गणेश गोसावी ठरला, तर ''खेड तालुका सरपंच श्री'' म्हणून केतन चाळके याने नाव कोरले. बेस्ट पोझर म्हणून आरएसपीएम राजापूरचा हर्षद मांडवकर, तर रायझिंग स्टार म्हणून सुयोग पदुमले याला गौरविण्यात आले. सरपंच मेन्स फिटनेसचा मानकरी एसबी फिटनेस चिपळूणचा आकाश वाजे ठरला. सर्व विजेत्या स्पर्धकांना रोख पारितोषिक देऊन मान्यवरांच्या हस्ते गौरवण्यात आले.