आपत्ती व्यवस्थापनाबाबत
देवगडमध्ये रंगीत तालीम
सकाळ वृत्तसेवा
देवगड, ता. २९ ः तालुका प्रशासनाच्या वतीने येथील समुद्रकिनारी तालुकास्तरीय नैसर्गिक आपत्तीच्या अनुषंगाने रंगीत तालीम घेण्यात आली. यावेळी तहसीलदार रमेश पवार यांच्यासह विविध खात्यांचे अधिकारी, कर्मचारी उपस्थित होते. समुद्राच्या पाण्यात बुडणार्‍याला कसे वाचवावे, त्याच्या बचावासाठी कोणती उपाययोजना करावी, प्रथमोपचार काय करावेत, या अनुषंगाने प्रात्यक्षिक घेण्यात आले. यावेळी तहसीलदार पवार यांच्यासह नायब तहसीलदार श्रीकृष्ण ठाकूर, नायब तहसीलदार व्ही. व्ही. शेठ, मंडळ अधिकारी दीपक पावसकर, पोलिस निरीक्षक भरत धुमाळ, उपनिरीक्षक महेश देसाई, मत्स्यव्यवसाय परवाना अधिकारी पार्थ तावडे, सार्वजनिक बांधकाम विभागाचे श्री. बासुतकर उपस्थित होते.