- rat३०p६.jpg-
२५N६७११९
राजाराम एम. चव्हाण
---
संगमेश्वर पोलीस निरीक्षकपदी
राजाराम चव्हाण यांची नियुक्ती
सकाळ वृत्तसेवा
संगमेश्वर, ता. २९ ः संगमेश्वर पोलीस ठाण्याच्या पोलीस निरीक्षक पदी राजाराम एम. चव्हाण यांची नियुक्ती करण्यात आली आहे. त्यांनी नुकताच कार्यभार हाती घेतला आहे. हे पद १२ मे २०२५ पासून रिक्त होते. राजापूर पोलीस ठाणे येथून त्यांची बदली झाली असून गेली दीड वर्ष त्यांनी राजापूर तालुक्यात चांगले काम केले होते.
राजाराम एम. चव्हाण यांचा पोलीस खात्यात २९ वर्षाचा अनुभव आहे. त्यांनी अवैध व्यावसायांना लगाम घालणे, गुन्हेगारी वृत्तीला मोडीत काढणे, प्रलंबीत प्रकरणे मार्गी लावणे तसेच नवीन गुन्ह्यांचा उलगडा लावणे याला प्राधान्य देणे हे त्यांचे कर्तव्य असल्याने त्यांचा आपल्या कामाच्या ठिकाणी चांगलाच दरारा होता. पोलीस निरीक्षक राजाराम एम. चव्हाण यांचे मूळ गाव कोल्हापूर जिल्ह्यातील असून २००६ साली ते पोलीस उपनिरीक्षक म्हणून पोलीस खात्यात रुजू झाले. मुंबई येथून त्यांनी पोलीस सेवेला सुरुवात करताना त्यांनी मुंबई मुख्यालय, पुणे, जालगांव, सांगली, सिंधुदुर्ग या ठिकाणी पोलीस उप निरीक्षक, सहाय्यक पोलीस निरीक्षक, गुन्हे अन्वेषण विभाग सहाय्यक पोलीस निरीक्षक तसेच नौदल सेनेमध्येही त्यांनी सेवा बजावली असून २०१९ मध्ये त्यांची पोलीस निरीक्षकपदी बढती होऊन मुबंई येथे सेवा केली. तेथून सिंधुदुर्ग व नंतर रत्नागिरी जिल्ह्यातील राजापूर पोलीस ठाण्याचा कारभार गेले दीड वर्ष सांभाळला.