rat३१p९.jpg-
२५N६७३०३
रत्नागिरी : राजमाता अहिल्यादेवी होळकर यांच्या जयंतीनिमित्त भाजपच्यावतीने राजिवड्यातील काशिविश्वेश्वर मंदिरामध्ये महाआरती करताना पदाधिकारी, भाविक.
---
अहिल्यादेवींच्या जयंतीनिमित्त महाआरती
सकाळ वृत्तसेवा
रत्नागिरी, ता. ३१ : राजमाता पुण्यश्लोक अहिल्यादेवी होळकर यांच्या ३००व्या जयंतीनिमित्त आज भाजपच्यावतीने राजीवडा येथील श्री देव विश्वेश्वर मंदिरात महाआरती करण्यात आली. या वेळी भाविकांसह कार्यकर्त्यांची गर्दी झाली.
भाजपा जिल्हाध्यक्ष राजेश सावंत यांच्या मार्गदर्शनाखाली महिला मोर्चा जिल्हाध्यक्ष वर्षा ढेकणे यांच्या उपस्थितीमध्ये रत्नागिरी शहर मंडळ अध्यक्ष दादा ढेकणे यांच्यावतीने महाआरतीचे आयोजन केले. भक्तीमय वातावरणात महाआरती उत्साहात पार पडली. या महाआरतीस भाजपचे पदाधिकारी, महिला मोर्चा, युवा मोर्चा तसेच स्थानिक कार्यकर्ते, नागरिक व भाविक मोठ्या संख्येने उपस्थित होते. मंदिर धार्मिक वातावरणाने भारलेलं होतं.