rat1p13.jpg-
67515
पुणेः येथील विशेष कार्यक्रमात प्रशांत परांजपे यांना कोलंबो विद्यापीठाची मानद डॉक्टरेट पदवी प्रदान करण्यात आली.

कोलंबो विद्यापीठाची
प्रशांत परांजपेंना डॉक्टरेट
पर्यावरण क्षेत्रातील शाश्वत विकासावर काम
सकाळ वृत्तसेवा
दापोली, ता. २ ः तालुक्यातील जालगाव येथील पर्यावरण प्रेमी प्रशांत परांजपे यांना पर्यावरण क्षेत्रातील शाश्वत विकासाबद्दल कोलंबो विद्यापीठाची मानद डॉक्टरेट पदवी पुणे येथील कार्यक्रमात प्रदान करण्यात आली.
प्रशांत परांजपे हे २००१ पासून पर्यावरण क्षेत्रात सातत्याने कार्यरत आहेत. त्यांनी जलसंवर्धन आणि वृक्ष संवर्धन या विषयात काम करताना एक रोप दोन खड्डे, मातीविरहित मचाण शेती, पालापाचोळा न जाळता खत निर्मिती असे यशस्वी प्रयोग केले आहेत. तसेच कचरा विषयात काम करताना इ वेस्ट पासून स्वागत कक्षाची निर्मिती, प्लास्टीक बाटल्यांपासून हँगिंग, बुके, बाकडी व स्टूल आणि फुटपाथची निर्मिती, इको फ्रेंडली गुढीची निर्मिती, सागराच्या पाण्यापासून हरितक्रांती, सर्व प्रकारच्या कचऱ्याच्या विघटनाला सशक्त मार्ग, ओल्या कचऱ्या पासून घरच्या घरी खत निर्मिती, वृक्ष वाढदिवस, वणवा मुक्त गाव योजनेची संकल्पना, गावात पाझर खड्डे आणि जलतरा निर्मितीतून लाखो लीटर पाणी जिरवणे, पर्यावरण पूरक गणेशमूर्ती निर्मिती अशा अनेक यशस्वी संकल्पना साकारल्या आहेत. परांजपे हे निवेदिता प्रतिष्ठानच्या माध्यमातून अनेक जिल्ह्यात काम करीत आहेत. ते रत्नागिरी जिल्हा परिषदेत जलसंपदा विभागामध्ये जलप्रेमी या पदावर कार्यरत आहेत.