-rat2p23.jpg-
25N67764
राजापूर ः तालुक्यातील नाटे येथील घेरा यशवंतगड किल्ल्याचे जुने बांधकाम कोसळले आहे.
----
घेरा यशवंतगडचे जुने बांधकाम कोसळले
पावसाचा परिणाम ; दुरुस्ती हाती घेण्याची मागणी
सकाळ वृत्तसेवा
राजापूर, ता. ३ ः तालुक्यातील नाटे येथील घेरा यशवंतगड किल्ल्याचे जुने बांधकाम कोसळल्याचे उघड झाले आहे. पावसामुळे हे बांधकाम कोसळल्याचा अंदाज आहे.
राजापूर तालुक्यातील नाटे येथील घेरा यशवंतगड किल्ल्याचे जुने बांधकाम कोसळले आहे. साखरी नाटे गावाच्या हद्दीत हा घेरा यशवंतगड किल्ला येतो. नाटे, साखरी नाटे आणि आंबोळगड अशी तीन गावे या किल्ला परिसरात आहेत. या भागांतील घेरा यशवंतगड ऐतिहासिक किल्ला असून इथे वर्षभरातून अनेक पर्यटक येतात. पुरातत्त्व विभागामार्फत त्या किल्ल्याच्या डागडुजी आणि दुरुस्तीचे काम हाती घेण्यात आलेले आहे. मात्र या किल्ल्याचा काही भाग पावसामुळे ढासळलेला आहे. हा भाग जुन्या बांधकामाचा आहे. त्यामुळे या भागातील शिवप्रेमींमधून नाराजी व्यक्त केली जात आहे. दरम्यान किल्ल्याचा भाग ढासळलेल्या ठिकाणी कुणी पर्यटक गेला तर दुर्घटना घडण्याची शक्यता आहे. त्यासाठी आवश्यक ती दुरुस्तीची कामे हाती घ्यावीत अशी मागणी केली जात आहे. याबाबत पुरातत्त्व विभागाचे अधिकारी विलास वहाणे म्हणाले, किल्ल्याची बाहेरील बाजूचे बांधकाम कोसळले होते. त्याचा कोणताही धोका नाही. तसेच पावसामुळे सध्या नूतनीकरणाचे काम थांबलेले आहे.
---
तातडीने दुरुस्ती करण्याची मागणी
राजापूर तालुक्यातील नाटे येथील घेरा यशवंतगड किल्याचे जुने बांधकाम कोसळले आहे. त्याची तात्काळ दुरुस्ती करावी अशी मागणी शिवभक्तांतून होत आहे.