67887

सायकल चालवू, पर्यावरण वाचवू!

‘कनक रायडर्स’तर्फे जागतिक सायकल दिनी जगृती

कणकवली, ता. ३ ः जागतिक सायकल दिनाच्या औचित्यावर आज कनक रायडर्स सायकल क्लबच्या सदस्यांनी शहरात सायकल रॅली काढली. कणकवली रेल्‍वे स्थानकामध्ये या रॅलीचा प्रारंभ करण्यात आला. ‘सयकल चालवू, इंधन बचतीसह पर्यावरणाचे रक्षण करू,’ असा संदेशच त्यांनी यावेळी दिला.
या रॅलीमध्ये कनक रायडर्सचे मकरंद वायंगणकर, विष्णू रामा गडे, कैलास सावंत, संजय बिडये, यशवंत भोसले, संजय कुमार कदम, डॉ. आबदार पाटील, कौशिक पाटील, वैभव वाघाटे, रवींद्र सावंत, राधिका सावंत, प्रितिश सावंत, दिगंबर आढाव, गणेश शिरकर, नीलेश गावकर, जगदीश अनगोळकर सहभागी झाले होते. आपल्या दैनंदिन जीवनामध्ये सायकलचा वापर जास्तीत जास्त करून इंधनाची बचत व त्याच अनुषंगाने पर्यावरणाचे रक्षण करावे. हा संदेश आजच्या सायकल रॅलीमागील असल्‍याची माहिती कनक रायडर्सचे कैलास सावंत यांनी यावेळी दिली, तर सायकलिंगचा वापर हा व्यायामाच्या दृष्टीनेही चांगलाच आहे. लहान मुलांनी व तरुण पिढीने मोबाईलच्या जगातून बाहेर येऊन या सायकल चळवळीमध्ये सहभाग घ्यावा व आरोग्यकारक असे जीवन जगावे, असे आवाहन मकरंद वायंगणकर यांनी केले.