-rat४p१९.jpg-
२५N६८१०८
अॅड. पुरूषोत्तम महाजनी
----------
ॲड. पुरूषोत्तम महाजनी यांचे निधन

रत्नागिरी ः येथील ज्येष्ठ वकील पुरूषोत्तम ल. महाजनी (वय ९४) यांचे निधन झाले. ते रत्नागिरी बार असोसिएशनचे सदस्य होते. त्यांच्या पश्चात पत्नी, मुलगी, सून, जावई व नातवंडे असा परिवार आहे.
महाजनी यांचे मूळ गाव कलावंतमधील श्रावण. देवगड, रत्नागिरी, मुंबई येथे त्यांनी शिक्षण पूर्ण केले. जिल्हाधिकारी कार्यालयात सचिव म्हणून त्यांनी काम केले. स्टेनोग्राफर म्हणूनही काही काळ काम केले. मुलगा (कै.) ॲड. शिवप्रसाद यांनी सुरू केलेल्या महाजनी असोसिएटमध्ये पुरूषोत्तम महाजनी भागीदार होते. त्यांनी दिवाणी, महसूल प्राधिकरण व विशेषकरून कामगार दावे, प्रकरणांमध्ये प्रॅक्टिस केली. २०१२ मध्ये ॲड. शिवप्रसाद यांचे अकाली निधन झाल्याने बसलेल्या धक्क्यातून सावरत त्यांनी पुढची वाटचाल करत महाजनी फाउंडेशनच्या कामात सहकार्य केले होते. त्यांनी रत्नागिरी एज्युकेशन सोसायटीचे उपकार्याध्यक्ष म्हणून काम केले. सरळ स्वभाव, मूल्यावर विश्वास, कायम सत्य आणि नैतिकतेच्या मार्गावर चालत राहणारे व्यक्तीमत्व हरपले, अशा शब्दांत रत्नागिरी बार असोसिएशनचे अध्यक्ष विलास पाटणे यांनी श्रद्धांजली वाहिली.