-rat४p१६.jpg-
२५N६८०८५
रत्नागिरी ः कोतवडे जिल्हा परिषद गटात आयोजित बैठकीला मार्गदर्शन करताना ठाकरे सेनेचे माजी आमदार बाळ माने.
----
कट्टर शिवसैनिक ठाकरे शिवसेनेसोबत
माने, घोसाळे ः कोतवडे जिल्हा परिषद गट
सकाळ वृत्तसेवा
रत्नागिरी, ता. ५ ः आगामी निवडणूका लक्षात घेऊन शिवसेना उद्धव बाळासाहेब ठाकरे पक्षाने प्रचाराला सुरुवात केली आहे. पक्षाशी एकनिष्ठ असून, कोणत्याही स्थितीत भगवा झेंडा फडकवू असा निर्धार कोतवडे जिल्हा परिषद गटातील बैठकीत सर्व पदाधिकारी, तळागाळातील कार्यकर्त्यांनी केला. माजी आमदार बाळ माने आणि तालुकाप्रमुख शेखर घोसाळे, जिल्हा समन्वयक संजय पुनसकर यांनी कार्यकर्त्यांना मार्गदर्शन केले.
माजी खासदार विनायक राऊत यांच्या मार्गदर्शनाखाली शिवसेना उद्धव बाळासाहेब ठाकरे पक्षाचा जिल्हा परिषद गटनिहाय संपर्क दौरा सुरू झाला आहे. प्रत्येक गावातील शाखाप्रमुख, गटप्रमुख, बूथप्रमुख, बीएलएल यांनी आगामी जिल्हा परिषद, पंचायत समिती, ग्रामपंचायत निवडणुका समोर असल्यामुळे सर्वांनी घराघरात जाऊन मतदारांच्या व शिवसैनिकांच्या गाठीभेटी करण्यास सुरुवात करावी जेणेकरून मतदारांचे स्थानिक प्रश्न आपल्या संघटनेच्या माध्यमातून सोडवता येतील. त्यांच्या अडीअडचणी सोडवता येतील. त्यामुळे प्रत्येकाने कामाला सुरुवात करावी, अशा सूचना बैठकीत देण्यात आल्या.