kan52.jpg
68230
कणकवलीः येथील पंचायत समितीच्या आवारात पर्यावरण दिनी वृक्षारोपण करताना अरुण चव्हाण.

कणकवली गटविकास अधिकाऱ्यांच्या हस्ते वृक्षारोपण
सकाळ वृत्तसेवा
कणकवली, ता. ५ः जागतिक पर्यावरण दिनाचे औचित्य साधून कणकवली पंचायत समितीच्यावतीने वृक्षारोपण करण्यात आले. पंचायत समितीच्या आवारात गटविकास अधिकारी अरुण चव्हाण यांच्या हस्ते वृक्षारोपण झाले.
यावेळी सहाय्यक गटविकास अधिकारी मंगेश वालावलकर, विस्तारअधिकारी सूर्यकांत वारंग, विस्तार अधिकारी ग्रामपंचायत संजय कवटकर, विस्तार अधिकारी कृषी प्रमोद ठाकूर, कृषी विभागाचे अशोक कोकाटे, गटशिक्षण अधिकारी किशोर गवस आदी उपस्थित होते. पंचायत समिती स्तरावर विविध कार्यालयात तसेच ग्रामपंचायत कार्यालयांच्या आवारात आज वृक्षारोपण करण्याच्या सूचना देण्यात आल्या. तालुक्यातील ग्रामपंचायत आणि गावागावत वृक्षारोपण करण्यात आले.