-rat६p३८.jpg-
२५N६८६१९
रत्नागिरी ः शहर पोलिस ठाण्यांतर्गत सलोखा समिती सदस्यांच्या बैठकीत मार्गदर्शन करताना जिल्हा पोलिस अधीक्षक नितीन बगाटे.
--
प्रसंगी कठोर होऊन कर्तव्य करणार
नितीन बगाटे ः शहर पोलिस ठाण्यात सलोखा समिती
सकाळ वृत्तसेवा
रत्नागिरी, ता. ७ ः आमचा धर्म खाकी हाच आहे. त्यामुळे सर्वांना बरोबर घेऊन जाताना एकोप्यासाठी प्रसंगी कठोर होऊन कर्तव्य करणार, असे प्रतिपादन रत्नागिरीचे पोलिस अधीक्षक नितीन बगाटे यांनी रत्नागिरी शहर पोलिस ठाण्यांतर्गत सामाजिक सलोखा समिती सदस्यांचा परिचय बैठकीत केले.
पोलिस अधीक्षक बगाटे यांच्या संकल्पनेतून जिल्ह्यात प्रत्येक पोलिस ठाण्यांतर्गत सामाजिक सलोखा समिती स्थापन करण्यात येत आहे. रत्नागिरी शहर पोलिस ठाण्यांतर्गत समितीच्या सदस्यांची येथील दैवज्ञ भवन येथे पोलिस अधीक्षक नितीन बगाटे आणि अतिरिक्त पोलिस अधीक्षक जयश्री गायकवाड यांच्या प्रमुख उपस्थितीत बैठक आयोजित करण्यात आली होती. या वेळी परिविक्षाधीन पोलिस अधीक्षक शिवप्रसाद पारवे, रत्नागिरीचे उपविभागीय पोलिस अधिकारी नीलेश माईनकर आणि शहर पोलिस निरीक्षक सतीश शिवरकर उपस्थित होते.