69006

दादा कुडतरकर यांना
उत्कृष्ट कार्यकर्ता पुरस्कार

कणकवली,ता. ८ ः ग्राहक चळवळीला समर्पित होऊन ग्राहकांच्या समस्या, तक्रारी, प्रबोधन करण्यात सक्रिय राहून कार्य करणाऱ्या ग्राहक पंचायत महाराष्ट्र संघटनेच्या दादा कुडतरकर यांना कोकण विभागाचा उत्कृष्ट कार्यकर्ता पुरस्कार देऊन गौरविण्यात आले.
मालवण येथील डॉ. राहुल वालावलकर यांच्या संस्कार सभागृहात ग्राहक पंचायत महाराष्ट्र, जिल्हास्तरीय प्रबोधन कार्यशाळेत राज्य सचिव अरुण वाघमारे, राज्य संघटक सर्जेराव जाधव, वरिष्ठ पोलिस निरीक्षक प्रवीण कोल्हे यांच्या हस्ते श्री. कुडतडकर यांचा नुकताच सत्कार झाला. यावेळी जिल्हाध्यक्ष प्रा. सुरेश पाटील, ग्राहक आयोगाचे माजी सदस्य कमलाकांत कुबल, ग्राहक पंचायत मालवण शाखा उपाध्यक्ष श्री. बागवे यांची प्रमुख उपस्थिती होती.
यावेळी ग्राहक पंचायत महाराष्ट्र सिंधुदुर्ग जिल्हा कार्यकारिणीचे संघटक विष्णुप्रसाद दळवी, सहसंघटक श्री मोहिते, सहसंघटिका रीमा भोसले, सचिव संदेश तुलसणकर, सहसचिव सुगंधा देवरुखकर, मालवण शाखेचे संघटक नितिन वाळके, सहसंघटिका वफा खान, महेश काळसेकर, रत्नाकर कोलंबकर, कणकवली शाखेच्या अध्यक्षा श्रद्धा कदम, सचिव पूजा सावंत, विनायक पाताडे, सुभाष राणे, राजन भोसले, वैभववाडी शाखेचे अध्यक्ष तेजस साळुंके, जिल्हा सल्लागार समीर वंजारी, देवगड, कुडाळ, सावंतवाडी, दोडामार्ग शाखेचे सर्व पदाधिकारी, ज्येष्ठ नागरिक आदी उपस्थित होते.