६९१४६
मालवण पत्रकार समितीतर्फे
सदस्य पाल्यांचा गुणगौरव
सकाळ वृत्तसेवा
मालवण, ता. ८ : तालुका पत्रकार समितीच्या पत्रकार सदस्य पाल्यांचा (दहावी व बारावी) सत्कार सोहळा शासकीय विश्रामगृह येथे ज्येष्ठ पत्रकार नंदकिशोर महाजन यांच्या अध्यक्षतेखाली पार पडला. यामध्ये बारावी परीक्षेत तृप्ती गावडे, दहावी परीक्षेत धृती भोगले, खुशी हिंदळेकर, सिद्धी हिवाळेकर यांच्यासह चौके सरपंचपदी पत्रकार संघाचे सदस्य पी. के. चौकेकर यांची, तर संग्राम कासले यांची कोळंब पोलिसपाटीलपदी नियुक्ती झाल्याबद्दल ज्येष्ठ पत्रकार नंदकिशोर महाजन यांच्या हस्ते भेटवस्तू, रोप व प्रमाणपत्र देऊन सत्कार करण्यात आला. या कार्यक्रमास तालुका पत्रकार समितीचे अध्यक्ष दत्तप्रसाद पेडणेकर, सचिव कृष्णा ढोलम, जिल्हा कार्यकारिणी सदस्य अमित खोत, माजी अध्यक्ष संतोष गावडे, ज्येष्ठ पत्रकार पी. के. चौकेकर, उपाध्यक्ष विशाल वाईरकर, उपाध्यक्ष परेश सावंत, सहसचिव नितीन गावडे, मनोज चव्हाण, समीर म्हाडगूत, संग्राम कासले, भूषण मेतर, भाऊ भोगले, संतोष हिवाळेकर, उदय बापर्डेकर, आप्पा मालंडकर, ओंकार यादव यांच्यासह अन्य पत्रकार उपस्थित होते. पत्रकार समितीचे अध्यक्ष पेडणेकर, सरपंच चौकेकर, श्री. कासले यांनी मनोगत व्यक्त केले. कृष्णा ढोलम यांनी सूत्रसंचालन केले. नितीन गावडे यांनी आभार मानले.