swt106.jpg
69601
पुणेः बँक ऑफ इंडिया ऑफिसर्स असोसिएशनच्या सभेस उपस्थित सदस्य परिवार.

बँक ऑफ इंडिया ऑफिसर्स पुणे
असोसिएशनची सभा उत्साहात
सकाळ वृत्तसेवा
सावंतवाडी, ता. १०ः बँक ऑफ इंडिया ऑफिसर्स असोसिएशन पुणे युनिटची ४४ वी वार्षिक सर्वसाधारण सभा रविवारी (ता. ८) स्वामी विवेकानंद सभागृह, एम.आय.टी. कॉलेज, कोथरूड-पुणे येथे उत्साहात पार पडली. या सभेमध्ये संघटनेच्या गतवर्षीच्या कामकाजाचा आढावा, आर्थिक विवरणपत्रांची मांडणी, कार्यकारिणीने सुचविलेले ठराव तसेच सदस्यांच्या सूचनांवर सकारात्मक चर्चा झाली.
या सभेसाठी संघटनेचे राष्ट्रीय महासचिव कॉ. नीलेश पवार, अध्यक्ष कॉ. नागेश्वर, श्वेतांग त्रिवेदी, उपाध्यक्ष महेंद्र धोंडसे, पुणे विभाग अध्यक्ष अमोल सांगळे, महासचिव प्रमोद शिंदे, बँक ऑफ इंडिया पुण्याचे मुख्य महाप्रबंधक प्रमोदकुमार द्विवेदी, क्षेत्रीय प्रबंधक संजय कदम, नरेंद्र देवरे आणि चंद्रशेखर मंत्री उपस्थित होते.
याप्रसंगी उपस्थित अधिकाऱ्यांनी बँकिंग क्षेत्रातील अधिकारी संघटनांच्या चळवळीचा इतिहास आणि त्याची वर्तमान काळातील गरज, बँकिंग क्षेत्रातील मानव संसाधन व्यवस्थापनाची निकड, नवीन तंत्रज्ञानामुळे निर्माण झालेली आव्हाने आणि त्यांचे सक्षमपणे निराकरण तसेच ग्राहकसेवा, बँक अधिकाऱ्यांपुढील आव्हाने आणि बँक कर्मचारी सुरक्षेविषयीची धोरणे अशा विविध विषयांवर चर्चा झाली. देशासाठी बलिदान देणाऱ्या जवानांना श्रद्धांजली अर्पित करून राष्ट्रगीताने सभेचा समारोप झाला.