कोकण

बांदा येथील श्री बांदेश्वराची मिरगाची पालखी उत्साहात

CD

swt136.jpg
70393
बांदाः श्री बांदेश्वराच्या मिरगाच्या पालखीचा सोहळा.

बांदा येथील श्री बांदेश्वराची
मिरगाची पालखी उत्साहात
सकाळ वृत्तसेवा
बांदा, ता. ११ः येथील जागृत स्वयंभू श्री देव बांदेश्वराचा मृगाच्या पालखीचा सोहळा मोठ्या उत्साहात व भक्तीमय वातावरणात झाला. बांदेश्वर भक्तांच्या गर्दीत वाजत गाजत ही पालखी प्रदक्षिणा पार पडली. या पालखीला वरुण राजाने सरी बरसवून आपली उपस्थिती दर्शवीली.
दरवर्षी श्री बांदेश्वराच्या जत्रोत्सवापासून हा पालखी सोहळा प्रारंभ होतो. त्यानंतर दर सोमवारी मंदिराभोवती ही सवाद्य पालखी प्रदक्षिणा होते. यावेळी मंगलमय वातावरणात भाविक अभंग गायन करतात. त्यानंतर पालखीचे मंदिरात आगमन होऊन आरती व शिवनामाचा गजर केला जातो.
हा सोहळा मृग नक्षत्रापर्यंत म्हणजेच मिरगापर्यंत दर सोमवारी सुरु असतो. मिरगाच्या पालखीने या सोहळ्याची सांगता होते. रविवारी ही मिरगाची पालखी झाली. दरवर्षीप्रमाणे मिरगानिमित्त मंदिरात श्री सत्यनारायण महापूजा आयोजित केली होती. राघोबा येडवे यांनी सपत्निक पुजन केले. रात्री ९ वाजता पालखी सोहळा प्रारंभ झाला. मोठ्या भक्तीमय वातावरणात ही पालखी प्रदक्षिणा पूर्ण झाली. त्यानंतर मंदिरात पालखीचे आगमन होताच भजन व महाआरती करण्यात आली. जय बांदेश्वर जय बांदेश्वर गजर गर्जत पालखी चाले जत्रेपासून मिरगापर्यंत ''शिवशिव शिव शिव सांब सदाशिव... हर हर हर हर सांब सदाशिव'' अशा विविध गजरात भाविक दंग झाले. आरती नंतर मानकरी सगुणदादा सावंत यांनी सर्वांच्या कल्याणासाठी गाऱ्हाणे घातले. त्यानंतर तीर्थप्रसाद वाटण्यात आला. मिरगाची पालखी झाल्यानंतर आता दर सोमवारी मंदिरात रात्री ८ ते ९ या वेळेत भजनसेवेचा आरंभ झाला आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Independence Day 2025 : पंतप्रधान नरेंद्र मोदींनी मोडला स्वत:चाच विक्रम; स्वातंत्र्यदिनी लाल किल्ल्यावरुन केले तब्बल १०३ मिनिटे भाषण

Latest Marathi News Live Updates : जयकुमार गोरे यांच्या हस्तेजिल्हाधिकारी कार्यालयात पार पडला ध्वजारोहन सोहळा

Janmashtami Decoration Ideas: जन्माष्टमी निमित्त मंदिर सजवायचंय? या सोप्या आणि सुंदर आयडिया नक्की ट्राय करा!

President Droupadi Murmu : संकटांचा सामना करण्यास सैन्य सक्षम; राष्ट्रपतींकडून संरक्षण दलांवर विश्‍वास व्यक्त अर्थव्यवस्थेचेही कौतुक

Independence Day 2025 : महाराष्ट्र कारागृह विभागातील आठ अधिकारी व कर्मचाऱ्यांना राष्ट्रपती पदक

SCROLL FOR NEXT