rat१३p२.jpg-
२५N७०३०८
रत्नागिरी : महिला उद्योजकता विकास कार्यक्रमात मार्गदर्शन करताना मान्यवर.

महिला उद्योजकता विकास
कार्यक्रमाचे उद्‍घाटन
सकाळ वृत्तसेवा
रत्नागिरी, ता. १३ : भारतीय उद्योजकता विकास प्रशिक्षण संस्था आयोजित अनुसूचित जाती-जमाती आणि दिव्यांगांसाठी महिला उद्योजकता विकास कार्यक्रमाचे उद्‍घाटन माळनाका येथे झाले. हा कार्यक्रम २४ जूनपर्यंत सुरू राहणार आहे.
या वेळी उद्योजिका मिलन कळंबटे (ॲग्री इंजिनियर), माजी नगरसेवक सोहेल मुकादम, शहर अभियान व्यवस्थापक संभाजी काटकर, अश्पाक गारदी, वैद्यकीय अधिकारी डॉ. मुस्कान नाकाडे, भारतीय उद्योजकता विकास संस्थेचे प्रकल्प अधिकारी दत्तात्रय परळेकर उपस्थित होते. हा कार्यक्रम १८ दिवसीय आहे. दररोज दुपारी १२ ते सायंकाळी ५ या वेळेमध्ये हा कार्यक्रम सुरू झाला. यात उद्योजकता म्हणजे काय, उद्योजक कोण आहे, उद्योगाचे प्रकार, महिलांसाठी विविध उद्योगाच्या संधी, उत्पादन ओळख आणि निवड, प्रकल्प अहवाल, सर्वेक्षण, व्यक्तिमत्त्व विकास, संभाषण कौशल्य, व्यवसायाला लागणारी मशिनरी, कच्चा माल यांचे व्यवस्थापन, वित्तीय व्यवस्थापन, प्राप्ती प्रेरणा प्रशिक्षण आदी विषयांचे मार्गदर्शन केले जाणार आहे. यात प्रा. मिलिंद दातार, बँक ऑफ इंडियाचे कन्सल्टंट बर्वे, डिजिटल मार्केटिंगसाठी प्रा. सुप्रभात सामंत, प्रकल्प अहवालासाठी संतोष घडशी, प्रा. देसाई आदी मार्गदर्शन करणार आहेत.