70548

आडवलीतील दिव्यांग मुलीस
मनसेतर्फे व्हीलचेअर प्रदान

सकाळ वृत्तसेवा
मसुरे, ता. १४ : राज ठाकरे यांच्या वाढदिवसानिमित्त आडवली (ता.मालवण) येथील दिव्यांग व्यक्तीस व्हीलचेअर देण्यात आली.
शारीरिकदृष्ट्या ६५ टक्के अपंग असणारी रुपा लाड आई-वडिलांच्या सोबत राहते. चालता येत नसल्याने उचलून घेऊन आधार देत तिचे दिनक्रम करावे लागतात. आई-वडील वृद्ध असल्याने व घरी कोण आणखी व्यक्ती नसल्याने गैरसोय होत होती. याविषयी तिच्या कुटुंबीयांनी जिल्हाध्यक्ष धीरज परब यांच्याकडे व्हीलचेअरची मागणी केली होती. राज ठाकरे यांच्या वाढदिवसानिमित्त मनसेतर्फे त्यांना ही व्हीलचेअर त्यांच्या घरी जाऊन देण्यात आली. याप्रसंगी जिल्हाध्यक्ष परब, उपजिल्हाध्यक्ष गणेश वाईरकर, कुणाल किनळेकर, जिल्हा सचिव बाळा पावसकर, तालुकाध्यक्ष हेमंत जाधव उपस्थित होते. यावेळी कुटुंबीयांनी राज ठाकरे व मनसे यांचे आभार मानले.