अभिषेक जोशींची लघुपटात चमक
खेड, ता. १४ : तालुक्यातील भरणे-बाईतवाडी येथील रोटरी इंग्लिश मीडियम स्कूलमधील संगीत शिक्षक अभिषेक जोशी यांनी ''पेड बाय पेड'' या लघुचित्रपटाचे संगीत दिग्दर्शन करण्यासह पार्श्वगायनही केले आहे. जागतिक पर्यावरणदिनाचे औचित्य साधून ''व्हायरल इंडियन पार्टी'' या चॅनलवर हा लघुचित्रपट प्रदर्शित झाला आहे. दिवसेंदिवस झाडांची संख्या कमी होत असून, यामागची अनेक कारणे आहेत. कारणे शोधून त्यामध्ये अडकून पडण्यापेक्षा वृक्षारोपणावर भर दिला पाहिजे यासाठी झाडे लावून जगवली पाहिजेत. वृक्षारोपणाबरोबर वृक्षसंवर्धनाच्या भूमिकेत सर्वांनीच सहभागी व्हावे, हा संदेश या लघुचित्रपटाच्या माध्यमातून देण्यात आला. अभिषेक जोशी हे गेल्या दोन वर्षांपासून संगीत विभागात गायक शिक्षक म्हणून कार्यरत आहेत. अनेक नाटकांमध्येही त्यांनी भूमिका साकारल्या आहेत.