-rat१४p२४.jpg-
२५N७०५५८
राजापूर ः अनुष्का जाधव-चव्हाण यांना डाटा सायन्समध्ये पदव्युत्तर प्रमाणपत्र प्रदान करताना डॉ. भिमराया मेत्री. शेजारी डॉ. आलोक कुमार सिंग, सुजित कुमार शर्मा, निकुंज कुमार जैन आदी.
----
कळसवलीतील अनुष्का जाधव यांना
डाटा सायन्समध्ये पदव्युत्तर प्रमाणपत्र
राजापूर, ता. १४ ः आधुनिक तंत्रज्ञानाच्या युगात डाटा सायन्ससारख्या अत्याधुनिक आणि महत्त्वाच्या क्षेत्रात झपाट्याने प्रगती करत तालुक्यातील कळसवली गावची सून असलेल्या अनुष्का जाधव-चव्हाण यांनी डाटा सायन्समध्ये पदव्युत्तर प्रमाणपत्र हा नामवंत अभ्यासक्रम नागपूर येथील इंडियन इन्स्टिट्यूट ऑफ मॅनेजमेंट येथून यशस्वीरीत्या पूर्ण करत उल्लेखनीय कामगिरी केली आहे.
मुळच्या संगमेश्वर येथील रहिवासी असलेल्या अनुष्का यांनी लग्नापूर्वी एमबीएपर्यंत शिक्षण घेतले. यानंतर अनुष्का यांनी डाटा अ‍ॅनालिटिक्स व बिझनेस इनसाइट्स क्षेत्रात करिअर घडवण्याचा निर्धार व्यक्त केला आहे. पदविका प्रदान समारंभात आयआयएम नागपूरचे डायरेक्टर डॉ. भिमराया मेत्री, डीन डॉ. आलोक कुमार सिंग आणि प्रोग्रॅम डायरेक्टर सुजित कुमार शर्मा, प्रोग्रॅम डायरेक्टर निकुंज कुमार जैन यांच्या हस्ते त्यांना प्रमाणपत्र देण्यात आले.