70735

सावंतवाडी पोलिस ठाण्याच्या
आवारात वृक्षारोपण अभियान

सकाळ वृत्तसेवा
सावंतवाडी, ता. १५ ः घे भरारी फाउंडेशनच्या वतीने येथील पोलिस ठाण्याच्या आवारात पर्यावरण दिनाचे औचित्य साधून वृक्षारोपण करण्यात आले. यावेळी ‘प्रत्येकाने एक झाड जरूर लावावे आणि जोपासावे’ असा संदेश पोलिस निरीक्षक अमोल चव्हाण यांनी दिला.
याप्रसंगी घे भरारी फाउंडेशनच्या संस्थापक सदस्य मोहिनी मडगावकर, अध्यक्षा रेखा कुमटेकर, कार्याध्यक्षा मेघना राऊळ, उपाध्यक्षा संध्या पवार, सेक्रेटरी सलोनी वंजारी, खजिनदार स्वप्राली कारेकर, ज्योती दुधवडकर, शारदा गुरव, सुष्मिता नाईक, सीमा रेडीज, अरुणा नाईक, शरदिनी बागवे, सरिता फडणीस, गीता लोहार, मेघा भोगटे आदी उपस्थित होते. कार्यक्रमासाठी पोलिस पुंडलिक सावंत, महिला पोलिस प्राजक्ता कदम, श्रीमती मुळीक आणि पोलिस ठाण्यातील इतर सर्व कर्मचारी उपस्थित होते. घे भरारीच्या अध्यक्षा रेखा कुमटेकर यांनी सर्व पोलिस कर्मचाऱ्यांचे आणि पोलीस निरीक्षक चव्हाण यांचे सहकार्याबद्दल आभार व्यक्त केले.