देवरुखात कृषी ऋण जागरुकता सप्ताह
साडवली ः संगमेश्वर तालुका अॅग्रोस्टार फार्मफ्रेश प्रोड्युसर कंपनी लिमिटेड देवरूख आणि स्टेट बँक ऑफ इंडियाच्या संयुक्त विद्यमाने कृषी ऋण जागरुकता सप्ताहच्या निमित्ताने कंपनीच्या कार्यालयात सभा आयोजित करण्यात आली होती. स्टेट बँक ऑफ इंडियाच्या वतीने जगदीश पडेलकर, देवरुख शाखेचे व्यवस्थापक भिडे, रमाकांत सातार्डेकर यांनी योजना व कर्जाचे प्रकार, त्याचे कागदपत्र यांची पूर्तता कशी करावी याचे मार्गदर्शन केले. सदस्य युयुत्सु आर्ते यांनीसुद्धा त्यांच्या ओघवत्या शैलीमध्ये शेतकऱ्यांचे प्रश्न मांडले आणि त्यासाठी उपाय सुचवले.