पेढे-पाणकरवाडी
शाळेत साहित्य वाटप
चिपळूण ः तालुक्यातील पेढे-पाणकरवाडी शाळेत माजी शिक्षक व खेंड केंद्राचे माजी केंद्रप्रमुख विलास महाडीक यांच्याकडून शाळेतील ३० विद्यार्थ्यांना दप्तरे, वह्या व लेखन साहित्य पुरवण्यात आले. कार्यक्रमाला चिपळूण प्रभागाच्या शिक्षणविस्तार अधिकारी नजराणा देसाई, मुख्याध्यापक संतोष सुर्वे, सुचिता मोरे, प्राची मोरे, प्रमिला आदावडे, शुभांगी आलीम, श्री. व सौ. दिवेकर, शिक्षक मधुकर चव्हाण, ज्योती जोशी, मेधा फणसेस, अंगणवाडी शिक्षिका शिंदे उपस्थित होते.

शेतकरी गटाचे
मालघरमध्ये चर्चासत्र
सावर्डे ः मांडकी-पालवण येथील गोविंदराव निकम कृषी महाविद्यालयातील कृषिदूतांनी मालघर (ता. चिपळूण) येथे ग्रामीण कृषी कार्यानुभव कार्यक्रमांतर्गत शेतकरीगटाचे चर्चासत्र झाले. पीक घेण्याचे महत्व, उत्पादन योजना त्यांचा अनुप्रयोग आणि परिस्थितीजन्य क्रियाकल्प या मुद्द्यांवर चर्चासत्र चालले. कृषितीर्थ परिवाराच्या पहिल्याच प्रात्यक्षिकात ग्रामस्थांचा व शेतकरीवर्गाचा उत्साही सहभाग दिसून आला. दिनार नेरूरकर, राजवर्धन वाघ, रोहन पाटील, ऋषिकेश पाटील, जयकुमार बोरसे, दूर्वांकुर नागपुरे, मयूर फडतरे, अथर्व बर्गे, यज्ञेश वामणे, यश पाटील, विकास कांबळे या कृषिदूताने चर्चासत्रात सहभाग घेतला.

तुंबाडमधील शिबिरात
दाखल्यांचे वाटप
खेड ः शासनाच्या विविध योजना लोकांपर्यंत पोहोचाव्यात यासाठी प्रातांधिकारी शिवाजी जगताप, तहसीलदार सुधीर सोनावणे यांच्या मार्गदर्शनाखाली तालुक्यात ठिकठिकाणी महाराजस्व समाधान शिबिर अभियान राबवण्यात येत आहे. तुंबाड येथे आयोजित शिबिरात ७० जणांना उत्पन्न दाखले प्राप्त झाले. तुंबाड येथील श्रीकृष्ण मंदिरात शिबिराचे आयोजन करण्यात आले होते. राजवेलचे मंडळ अधिकारी राजाराम घुळे, सुजित गायकवाड, नवनाथ मोहिते, गंगाधर तांबे, श्रीधर पावसकर, तारका तांबे, हिरालाल माळी, प्रभाकर सोनावणे, सरपंच कदम, पोलिस पाटील आदी उपस्थित होते. शिबिराच्या यशस्वितेसाठी नांदगावचे अरफात कादीर, कोरेगावचे संदेश साळुंखे, जयश्री हुमणे आदींनी प्रयत्न केले.