सलोनी तेलीचा
पाटमध्ये सत्कार
कुडाळः तेली समाज तरुण उत्साही मंडळाच्या वतीने पाट येथील तेली परिवारातील विद्यार्थिनी सलोनी तेली हिने बारावी परीक्षेत ९१.३३ टक्के गुण मिळविल्याबद्दल तिचा सत्कार करण्यात आला. कुडाळ हायस्कूल ज्युनियर कॉलेजमध्ये बारावी परीक्षेत वाणिज्य शाखेमधून तिने तृतीय क्रमांक मिळविला होता. तेली समाज उत्साही मंडळाचे अध्यक्ष प्रकाश पाटकर, सचिव चंद्रकांत तेली, मंडळाचे सदस्य, कार्यकर्ते व ग्रामस्थांनी तिचे अभिनंदन केले.
...................
सहकारी संस्थांसाठी
उद्या कार्यशाळा
मालवणः सहकार वर्ष २०२५ निमित्त सहाय्यक निबंधक, सहकारी संस्था, तालुक्यातील नागरी, ग्रामीण बिगरशेती व कर्मचारी पतसंस्था यांच्या विद्यमाने शनिवारी (ता. २१) दैवज्ञ भवन येथे सहकारी संस्थांसाठी कार्यशाळा आयोजित केली आहे.
हाय व्होल्टेजमुळे विद्युत उपकरणे जळाली.
....................
उच्च वीज दाबामुळे
कणकवलीत नुकसान
कणकवलीः कणकवली शहरातील हर्णेआळी येथे मंगळवारी (ता. १८) अचानक वाढलेल्या विजेच्या उच्च दाबामुळे एका घरातील काही विद्युत उपकरणे जळाली. यामध्ये घरातील वॉशिंग मशीनसह इतरही काही उपकरणांना फटका बसला. यामध्ये त्यांचे मोठे नुकसान झाले.
.....................
रिक्षा संघटनेचे
उपोषण स्थगित
कणकवलीः मुंबई-गोवा महामार्गावरील नांदगाव तिठा येथील सेवारस्त्यावर खड्डे पडले होते. यामुळे छोटे, मोठे अपघात घडत होते. सन्मित्र रिक्षा संघटनेने शनिवारी (ता. २१) खड्ड्यांत वृक्षारोपण करण्याचा इशारा दिला होता. राष्ट्रीय महामार्ग प्राधिकरणने बुधवारी (ता. १८) सकाळपासून सिमेंट, बारीक खडीने खड्डे बुजविण्याचे काम सुरू केले. त्यामुळे रिक्षा संघटनेतर्फे वृक्षरोपण रद्द करण्यात आले आहे.
....