swt1929.jpg
71831
वायंगणीः मंजिरी घाडीगावकर हिला पुरस्कार प्रदान करताना मान्यवर.

मंजिरी घाडीगावकरला
‘बेस्ट स्टुडंट अॅवॉर्ड’
सकाळ वृत्तसेवा
आचरा, ता. २०ः ज्ञानदीप माध्यमिक विद्यालय वायंगणी या प्रशालेने प्रशालेचे माजी विद्यार्थी आंतरराष्ट्रीय कीर्तीचे उद्योजक सुविद्या इन्स्टियूट ऑफ टेक्नॉलॉजीचे संस्थापक, शिक्षणतज्ञ (कै.) वसंत दिनकर मेस्त्री यांच्या स्मृतीप्रित्यर्थ दिला जाणारा ‘बेस्ट स्टुडंट अॅवॉर्ड’ मंजिरी घाडीगावकर हिला प्रदान करण्यात आला.
दहावी परीक्षेत प्रशालेत प्रथम व आचरा केंद्रात द्वितीय क्रमांक पटकावल्याबद्दल सुविद्या इन्स्टिट्यूट ऑफ टेक्नॉलॉजी संचालक उद्योजक प्रकाश मेस्त्री यांच्या हस्ते ५,५५५ रुपयांचा धनादेश देऊन तिला गौरविण्यात आले. यावेळी कलाशिक्षक मोरेश्वर गोसावी यांची प्रमुख उपस्थिती होती. यावर्षी दहावीतील हुशार व होतकरू अशा दोन विद्यार्थ्यांना (कै.) वसंत मेस्त्री यांच्या नावे दत्तक घेऊन त्यांचा संपूर्ण वर्षभराचा खर्च मेस्त्री परिवार व सुविधा इन्स्टिट्यूटकडून करण्यात येणार आहे. विघ्नेश पाटील व तमन्ना सावंत या दोघांना या योजनेचा लाभ देण्यात आला. यावेळी मुख्याध्यापक द. जा. टकले, संजय जाधव, प्रभा बांवकर उपस्थित होते. मुख्याध्यापक टकले यांनी आभार मानले.