72341

दोडामार्गात उत्साहाचे वातावरण
दोडामार्ग : येथील महालक्ष्मी सभागृहात योगमूर्ती हरिश्चंद्र गवस व योगशिक्षक दिगंबर राऊत यांनी आंतरराष्ट्रीय योगा दिनानिमित्त प्रात्यक्षिके दाखविली. डॉ. योजना मोरजकर यांनी योगाचे महत्त्व पटवून दिले. यावेळी भाजप तालुकाध्यक्ष दीपक गवस, कसई दोडामार्ग नगराध्यक्ष चेतन चव्हाण, महिला बालकल्याण सभापती संध्या प्रसादी, युवामोर्चा तालुकाध्यक्ष पराशर सावंत, माजी जिल्हा परिषद सदस्य चंदू मळीक, सरपंच देवेंद्र शेटकर, डॉ. रामदास रेडकर, राजेश फुलारी, दीक्षा महालकर, सूर्यनारायण गवस, गटविकास अधिकारी अजिंक्य सावंत, निवद कांबळे, आनंद बामणीकर, नगरपंचायतचे कर्मचारी व दोडामार्ग हायस्कूलचे विद्यार्थी उपस्थित होते. तसेच दोडामार्ग ग्रामीण रुग्णालय येथे वैद्यकीय अधीक्षक डॉ. आकाश एडके यांच्या मार्गदर्शनाखाली योग दिन साजरा करण्यात आला. डॉ. नीलेश वरवटकर, डॉ. रामदास रेडकर, डॉ. क्रांती बारस्कर, अधिपरिचारिका सुरेखा भणगे, तेजस्विनी कसालकर, पूजा कासार, मनीषा परब आदी उपस्थित होते.