72542
‘एमआयटीएम’कॉलेजतर्फे
विद्यार्थ्यांसाठी बससेवा
सकाळ वृत्तसेवा
मालवण, ता. २३ : विद्यार्थी-विद्यार्थिनींची शैक्षणिक गैरसोय टाळून त्यांना सुलभ प्रवास करता यावा, या उद्देशाने सुकळवाड-ओरोस येथील जयवंती बाबू फाउंडेशन संचालित एमआयटीएम इंजिनिअरिंग कॉलेजच्या वतीने मालवणमधून थेट बससेवा सुरू करण्यात आली आहे. या बससेवेचा प्रारंभ आज संस्थेचे उपाध्यक्ष विनोद कदम यांच्या हस्ते श्रीफळ वाढवून करण्यात आला.
ओरोस रेल्वे स्थानकानजीक असलेल्या एमआयटीएम इंजिनिअरिंग कॉलेजमध्ये शिक्षणासाठी येणाऱ्या विद्यार्थी-विद्यार्थिनींना एसटी प्रवासात होणारी अडचण लक्षात घेऊन कॉलेजच्या वतीने थेट मालवण ते कॉलेजपर्यंत बससेवा सुरू करण्यात आली आहे. याच्या प्रारंभप्रसंगी माजी जिल्हा परिषद अध्यक्ष अशोक सावंत, राकेश सावंत, अक्षय परुळेकर, अपर्णा मांजरेकर, रोशनी वरक, अनिरुद्ध झांट्ये, भिकाजी जाधव, सुनील शिवगण, गितेश राणे, निखिल तेंडोलकर आदी उपस्थित होते. जिल्ह्यातील अन्य भागांतूनही विद्यार्थ्यांसाठी आवश्यकता भासल्यास अशाप्रकारे बससेवा सुरू करणार असल्याची माहिती संस्थेचे उपाध्यक्ष विनोद कदम यांनी दिली.